У ліпені 2007 г. на тэрыторыі Лепельскага раёна была праведзена стацыянарная этнаграфічная экспедыцыя Полацкага дзяржаўнага ўніверсітэта сіламі выкладчыкаў і студэнтаў гісторыка-філалагічнага факультэта (кіраўнік У.С. Філіпенка).
Геаграфія экспедыцыі
Палявымі даследаваннямі былі ахоплены наступныя населеныя пункты: Аўласава, Баброва, Бор, Варажкі, Губіна, Двор Бабча, Загорцы, Задоры, Залессе, Камень, Катоўшчына, Курмялёўка, Макараўшчына, Матыліна, Мягелі, Чаросава.
Прадметная поле даследаванняў і вынікі
Пад час правядзення экспедыцыі быў зафіксаваны значны аб’ём матэрыялаў па народнай медыцыне і знахарстве, сямейных і каляндарных рытуалах вясковага насельніцтва, уключна з абрадавым песенным фальклорам, інфармацыя па сакральнай і легендарнай геаграфіі (культавыя крыніцы ля вв. Бароўка і Бабча), звесткі пра міфалагічныя ўяўленні і вераванні, традыцыйную матэрыяльную культуру раёна, а таксама ўспаміны мясцовага насельніцтва пра перыяд нацыскай акупацыі і партызанскі рух 1941-1944 гг.
Стацыянарная экспедыцыя, сумесна са Студэнцкім этнаграфічным таварыствам, жнівень 2007 г.
Экспедыцыя праведзена на тэрыторыі Віцебскага р-на. Даследаванне ахапіла г.п. Сураж і наступныя вёскі: Брыгітполле, Вял. Любшчына, Парэчнае, Пухавічы, Слабада, Стайкі, Тарасенкі, Хадорына.
Зафіксаваны матэрыял па міфалогіі прасторы, гендэрных аспектах чарадзейства ў народнай культуры, знахарскіх практыках і фітатэрапіі, каляндарнай і сямейнай абраднасці, сакральнай і легендарнай геаграфіі, вуснай гісторыі ІІ Сусветнай вайны.
Маршрутная экспедыцыя, красавік – чэрвень 2007 г.
Ахапіла вв. Гаўрылавічы, Глінішча, Лучаі Пастаўскага р-на. Зафіксаваны матэрыялы па пахавальна-памінальнай традыцыі і культуры этнічных груп рэгіёна.
Маршрутная экспедыцыя, кастрычнік 2007 г.
Праведзена ў Докшыцкім р-не, ахапіла наступныя вёскі: Буй, Верацейка, Козікі, Лапуты, Маргавіцы, Паўднёвае Гняздзілава, Паўночнае Гняздзілава.
Зафіксаваны значны матэрыял па рэгіянальных асаблівасцях пахавальна-памінальнай традыцыі, сакральнай геаграфіі (Святы калодзеж ля в. Маргавіца), народнай дэманалогіі і народнай медыцыне.
Маршрутная экспедыцыя, лістапад 2007 г.
Даследаванне праведзена ў г. Глыбокае і вв. Вялец, Мнюта, Сукліна, Шо, Шэпелева. Даследаваны сакральны “Чортавы камень” ля в. Мнюта, зафіксаваны легенды пра яго паходжанне. Запісана інфармацыя пра знахарства і чарадзейства.